Abia òll jor, s Bersntoler Kulturinstitut, ver za baitern aus der prauch van bersntolerisch, lònt inn za nemmen toal en de konkursn “Schualer ont Student”, “Filmer” ont “Schrift”. Den nai bando ist garo ausgaleik kemmen ont abia òlbe ber stelln enk vour der regln ver za meng toalnemmen. An iatn toalnemmer kònn nèt mear as an òrbet ver an iatn konkurs ogem (pet de ausnom van konkurs Filmer) ont de òrbet kònn gamòcht kemmen van a mentsch aloa‘ oder va mearer as zòmmòrbetn. En de konkursn kemmen nèt u’ganommen òrbetn as schoa’ gadruckt oder as schoa’ arausgem kemmen sai’ as an iatn vurm. De toalnemmer en konkurs “Schualer ont student” kemmen toalt en zboa gruppn: “Schualer” ver de schualer va de Earsteschual ont va de Zboateschual, earste Grad ont “Student”. Ver de schualer, an iatn toalnemmer mias vourstelln an tèckst tschrim pet en computer en bersntolerisch standard ont an òrbet as balsch oder as taitsch. De temen sai’: de taitsch gamoa’schòft van Bersntol, òndra gamoa’schòftn ont sprochminderhaitn va Balschlònt oder va Europa, an tema as de bèlt va hait. De toalnemmer sai’ austoalt en zboa kategorin, no en de schual as se mòchen: I. Kategori: Earsteschual, II. Kategori: Zboateschual, earste grad. Ver an iata prauchen: der Goldschualer, der Silberschualer ont der Kupferschualer. S Praisgericht mu aa zoachen òndra prais. De toanemmer en grupp van “Student” miasn nèt mear as 29 jor, sai’ inntschrim en de Zboateschual, zboate grad, en an òrbetschual, oder en de universitet. De temen van òrbetn, tschrim pet ideen van sèll as der toalnemmer sèlber tschbinnt, sai’ de doin: de taitsch gamoa’schòft van Bersntol, de region Trentino – Sudtirol ont òndra gamoa’schòftn va de europeische Union pet a sproch bea’ne kennt. De gònze òrbet mias kemmen tschrim en balsch oder en taitsch ont mias hom nèt minder as 3.500 drick as bersntolerisch standard. De studentn aa sai’ austoalt en zboa kategorin no en de jor as de hom: I. Kategori: diarnen ont puam finz en de 17 jor; II. Kategori: diarnen ont puam va de 18 finz as de 28 jor.
Ver en an iata kategori van “Schualer ont Student”, s Praisgericht kònn prauchen de doin prais: der Goldschualer ont Goldstudent, der Silbershualer ont Silberstudent ont der Kupferschualer ont Kupferstudent. Sechber iaz der konkurs “Filmer”. Der toalnemmer mu ogem ver en konkurs nèt mear as a sai’nega òrbet ont oa’na gamòcht en grupp. An iata òrbet mias drinn hom: sòchen as de gschicht, as de praich, as de kultur ont as de umbèlt va de Pubblicato dal Bersntoler Kulturinstitut il nuovo bando del concorso “3x1 - Tre concorsi per una lingua” che prevede la realizzazione e consegna delle tre tipologie di lavori in lingua mòchena: per scolari e studenti, filmati, opere letterarie.
bersntoler gamoa’schòft, ont/oder va de sai’ lòntschòft; s sèll as kimmpt tsòck en film, de vrong en de lait ont de tèckstn miasn sai’ ver nèt minder as 70% en bersntolerisch. S praisgericht kònn ausgem de doin prais: Earste, Zvaite ont Dritte Filmprais. Ont zan leistn der konsurs Schrift. De òrbetn miasn kemmen tschrim en bersntolerisch ont de meing sai’:an tèckst en prosa, lònk va de 4.000 as de 12.000 drick oder a poesia, en rima aa, ober nèt mear as drai en gònzn. S meing toalnemmen en konkurs òlla de lait as en de ogebzait hom gamòcht schoa’ de 18 jor. S kemmen nèt u’ganommen en konkurs de òrbetn as sai’ nèt originell ont as sai’ nèt kemmen tschbunnen ont gamòcht van toalnemmer. De toalnemmer sai’ autoalt en zboa sezionen no en de kategori va tèckst as de hom gamòcht: tèckstn en prosa ont poesia. Ver an iata sezion s praisgericht kònn ausgem de doin prais: de Goldveder, de Silberveder ont de Kupferveder. De bichtegstn punktn as kemmen tschauk sai’: s sai’ originell ont de schòrt van innhòlt; abia as ist praucht de sproch; de suggestionen as arauskemmen.
De òrbetn ver òlla de konkursn miasn trong oder pet de post tschickt kemmen en sitz van Institut vour za mitto va de 31 van merz 2021.