En ma'ta as de 5 van leistagest ist en To va de Autonomi, en glaiche to benn en 1946 ist kemmen untertschrim de oa'nekòrt De Gasperi-Gruber. An ausònder to, pet an schouber iniziativen en programm, no en de vaier van visk jor aa van Zboate Statut va de Autonomi as vòllt haier. Der to bart se autea' pet en vourstell um 11 en de vria ka de Sol Depero en sitz va de Autonome Provinz va Trea't en Dante plòtz, va de austellung as bart òlbe plaim “De Provinz kontart se”. S bart sai a roas zbischn gschicht, haitsegento ont zukunft va de trentiner autonomi”, gamòcht va de regiar va de Fondazion Museum va de gschicht van Trentin. Zòmm pet de austellung, van 5 van leistagest finz as de 31 van schantonderer 2022 ver za vaiern de visk jor van Statut sai' kemmen vourtschbunnen zaitninstallazionen abia groasa “A” ver de earste stòmm va Autonomi. En to van 5 van leistagest, der Schloss van Buonconsiglio bart sai' offet en de lait a'ne miasn zoln. Der to bart se riven pet an konzert van coro va de Sat en Teatro Sociale.