Khennen di lentar von Euregio viazarante åna zo mocha zaln atz bus un trène in Tiról, Südtiról un Trentino: vor berda hatt an djarege odar halbdjarege abonamént vor di öffentleschen traspòrte odar vor berda hatt in Euregio Family Pass, ditza batrz soin möglich in tage vodar mobilitét von Euregio augelekk in da européan boch vodar mobilitet.
Disar temìn vallt zboa vert atz djar, haür khemmenda vürgelekk interesåntege naüge: darzuar zo maga viazàrn in da gåntz Euroredjong åna zo mocha zaln, vo Kufstein atz Borghetto, berda hatt an abonamént odar in Euregio Family pass mage gian z’sega åna nicht z’zala ettlane musee von provintzàn vo Tria, Poatzan un Tiról. Un no, alle di pürgar mang gian z’sega di informatziong un koordinamént setz von Euregio ka Tria, Poatzan un Innsbruck. Dar orario iz vo di 10.00 sin di 13.00 von sèll tage, un in disa zait makma soin gevüart z’sega allz pezzar von laüt von Euregio boda arbatn in aniaglan vo disan setz. In Trentino barta offe soin Casa Moggioli Setz von Euregio ka Tria boda paitet groaze un khlummane pittnan schümman progråmm, anvétze, hèrta åna z’zala makma gian in Muse un in di trentinar kastèlln: Kastèll von Buonconsiglio, Kastèll Stenico, Kastèll Besén, Kastèll Thun un Kastèll Caldes.
Vor di Provìntz vo Poatzan håmda genump toal dar initziatìf, dar Museo Archeologico von Sütiról, dar Museo di scienze naturali von Südtiról, dar Museo Eccel Kreuzer (da lai da spetzialege auzlegom); vor in Lånt Tiról dar Ferdinandeum, dar Volkskunstmuseum, di Hofkirche, daz Zeughaus, dar Tirol Panorama mit Kaiserjägermuseum.