De nai druck ist kemmen vourstellt en eirta as de 25 van schnmikeal bail an trèff va “Martedì dell’Euregio” ka Trea’t, en Casa Maggioli, sitz van nochrichtn van Euregio van Trentin, bou as hòt gahòt bòlten lait.
Zòmm pet schraiber Carlo Romeo za tea’ vourstelln de òrbet ist gaben der Giuseppe Ferrandi, direktor va de Fondazion van Museum va de gschicht van Trentin ont de Elisa Bertò van omt van Euregio va Trea’t, peada toalnemmer van òrbetgruppe ibergrenzn van Euregio as de gschict. S puach hòt “An plick va òlls zòmm as lòk kennen s mearest, asou za meing schaung za paun an idea ver za lem zòmm ont vinnen a toal glaicha sticker va gschich. Ma s ist nèt an òrbet as keart um en Tirol va de gschicht”, abia as hòt kein Ferrandi, as hòt gor galòk sechen as s puach leart abia za òrbetn ont lesn zòmm de drai ourtn, as hom glaicha elementn as hom gaholven za mòchen de europeische region Tirolo- Alto Adige- Trentino.