Salta al contenuto principale

Tolgamoa’schòft ont gamoa‘ va

Palai: prais en de insern studentn

Chiudi
Apri
Per approfondire: 
Tempo di lettura: 
2 minuti 33 secondi

De Tolgamoa’schòft Hoa Valzegu’ ont Bersntol ont de Gamoa? va Palai hom garo ausgaleik drai bandi ver za gem an prais en de studentn ont ver za gem en a hònt ver en sèll as se spendiarn za gea? za schual.
De Tolgamoa’schòft hòt ausgaleik an bando ver de studentn va de hoa’- ont va de òrbetschual ver en schualjor 2019-20 ont s ist a hilf ver en sèll as se spendiarn ver de schual. S hòndelt se va kostn ver za schraim se inn en de schual, de kostn van quartiar ont ver en èssn, de kostn ver de koriara ont ver za kaven de piacher.
Der prais kimmp ausgem no en drai kritern: de punktn van student en de schual, der stònt va de familia ont de kostn ver za gea’ za schual. Ver za meing nemmen toal de studentn miasn lem en a Gamoa’ va de Tolgamoa’schòft Hoa Valegu’ ont Bersntol, hom finz as 20 jor, inntschrim sai’ ver en earste vòrt en de sèll klasse ont hom an rèchten Icef.

De Tolgamoa’schòft mu gem finz as 3.500 euro en an itan student.
Der ònder bando ist kemmen gamòcht ver de studentn as meing nèt prauchen de koriara za gea? za schual pet de koriara bavai (de miasn vèrr sai’ almen drai kilometre va de schual oder va bo as se nemmen de koriara).
De kritern ver za nemmen toal sai’ de glaichen: lem en a Gamoa’ va de Tolgamoa’schòft Hoa Valegu’ ont Bersntol, hom finz as 20 jor, inntschrim sai’ ver en earste vòrt en de sèll klasse ont drinn stea’ en Icef.

De zuazol kimmp gem en de sèlln as gea’ pet en sai’ auto ont en de sèlln as zoln se sèlber an pulmin. Men schauk òlbe der Icef va de familia, de kilometre as men mòcht pet en auto ont der numer van roasn. Men mu gem finz as viarhundert euro zan mearestn ver an su’ aloa’ oder finz as simhundert euro ver mearer si’.
Ver za nemmen toal, de familie miasn ogem de vrong vour en vraita as de 6 van schanmikeal za mitto.

Dòra ist ausgaleik kemmen an òndern bando ver de studentn.
S sai? de prais as kemmen ausgem va de Gamoa? va Palai.
De vrong miasn ogem kemmen vou en vraita as de 29 van schantònderer za mitto. De prais kemmen gem en de studentn va de hoa? ont va de òrbetschual ont en de sèlln as mòchen de hoa?formazion oder de universitet. De interessiaretn miasn lem en de Gamoa? va Palai, inntschrim sai? en oa’na van doin schualn ont hom nèt mear as 28 jor.

De studentn barn kriang 300 euro ver an iats jor gamòcht ont de sèlln as mochen esame, 10 euro ver an iatn accredito van esamen.
De prais barn ausgem kemmen en de studentn en an trèff as bart en kemmen tsòck vouraus.

Lorenza Groff

L'utilizzo della piattaforma dei commenti prevede l'invio di alcune informazioni al fornitore del servizio DISQUS. Utilizzare il form equivale ad acconsentire al trattamento dei dati tramite azione positiva. Per maggiori informazioni visualizza la Privacy Policy