“Il Moro della cima”, roman de Paolo Malaguti ambientà sul mont Grapa, e donca ben segur coleà ai evenc de la Gran Vera, l à ciapà l pest Mario Rigoni Stern per la letradura te desferenc lengac de la Èlpes, ruà a sia dodejeisema edizion.
A la zerimonia, endrezèda en vender ai 2 de setember ló dal Palacongresc de Riva del Garda, l’à portà dant sie saluc ence la Provinzia Autonoma de Trent, con sie vizepresident e assessor al ambient, che l à sotrissà che chesta neva edizion del Pest, dedicà al scritor de nonzech de Asiago, la conferma l’emportanza de chest apuntament, che l é doventà de obligh per duc chi che à a cher la cultures da mont. Fora per la sera l é stat dat su ence l pest Guardiano dell’Arca – Osvaldo Dongilli, a la eves, per l lurier de conservazion che les fèsc per la biodiversità. L pest l ge é stat dat al entomologh, arlevaeves e enrescidor de la Fondazion Edmund Mach Paolo Fontana, dassen na autorità tel ciamp de la eves.