Di 36 fotografìan nemmen abe un machan vorstìan di stòrdja, di traditziongen un di antropologesche khennzaichen von drai trentinar zungmindarhaitn – zimbar, ladinar un möknar -. Di kunst fotografìan soin auzgenump von puach “Popoli senza frontiere 2. Tradizioni e territori delle minoranze linguistiche storiche del Trentino. Cimbri, Ladini e Mòcheni” (Effigi 2021).” An arbat boda hatt gemak khemmen getånt ankunto in schütz von diréktör von drai kultùrinstitüt Zimbar Willy Nicolussi Paolaz, Ladinar - Sabrina Rasom, un möknar - Mauro Buffa. Di gesetz un di politike un bazma tüat vor di drai zungmindarhaitn vodar autonome Provìntz vo Tria in puach khemmen khött: vodar Giuliana Cristoforetti diridjénten von Dianst vor di lånt Zungmindarhaitn; von Leandro Ventura Dirèktor von Zentràl Institut vor in Immateriàl Schatz un von Jens Woelk vodar trianar Universitét, vortretar von retór in allz bazta ågeat in zungmindarhaitn.

Gespèrrt atza bart soin di auzlegom di kunst fotografìan, 12 vor aniaglana kamòuschaft bartn khemmen geschenkht in kultùrinstitüt von drai kamöüschaft.