Sacotanta l é la scomenzadives che l’Euregio Tirol-Sudtirol-Trentin la met a la leta per favorir la partezipazion, la cognoscenza e l’educazion a la zitadinanza per i joegn di trei teritories. Da la scola al sport, a la ativitèdes culturèles, musicales e educatives, l’Euregio la met dant a duc i joegn projec en cont de formazion, de la colaborazion un col auter e de l’amicizia sora la seides fora.
No per nia l mot cernù per la presidenza trentina 2021-2023 l é “L’Euregio la é joena” per sotrissèr che l element prinzipèl de l’azion l é la generazions neves, col 2022 che l é apontin l An european de la Joentù.
Descheche recorda l president de la Provinzia autonoma de Trent e del Euregio Maurizio Fugatti: “Lurèr su la generazions neves vel dir lurèr per l davegnir. Per chesta rejon aon volù che l’Euregio de la presidenza trentina la sibie apede ai joegn sentadins con scomenzadives concretes e ativitèdes neves”.