A puach afte stòrdja von Euregio "Tirolo Alto Adige Trentino. Uno sguardo storico" iz daz earst stòrege puach gemacht pittnåndar von drai lentar, gemacht vonan bizzkomitàtt bodase innvånk alle drai un durchgevüart von stòrego Carlo Romeo. Dòpo dar lestn bòtta ’z djar 2014 est izta auzkhent an åndra editziong pitt a drai interesåntege naüge. Zbisnen disan di stòrdja von Michael Gaismair, “komandånt von pauarn” boda hatt gevüart di ribeliong von djar 1525 un an naüng kapìtl geschribet von djeneràl sekretardjo von Euregio afte 10 djar von GECT, übarhaup aft zboa prodjèkte “highlight” vor aniaglaz djar åhevante von 2012 sin haüt.
Da naüge editziong iz khent gezoaget an erta atz 25 von bimmat in a trèff pitt ploaz laüt von “Erta von Euregio” bodase haltet ka Tria in Moggioli Haus, dar informatìf setz von Euregio in Trentino.