Visto el sucesso della recente inchiesta su l'Osvaldo nela categoria "òm da sport", bisogn parlar anca però del so esato contrario: "l'òm-zavàtta". L'è come dir la stesa diferenza che pasa tra la materia e l'antimateria, le bionde e le brune, lo yng e lo yang, el bàsket e 'l Brunetta. L'òm-zavàtta: zà el nome el riporta a sienàri lenti, slou-mòscion come dirìa i tennici.

L'òm-zavàtta l'è quel che se 'l g'ha da nàr al 1° piano de casa l'è bòn de spetàr en quart d'ora l'asiensore che nel fratempo l'è al 14° piano dele tori de Man. L'òm-zavàtta l'è quel che se no 'l trova da parchegiàr l'auto davanti al negozio del pan el torna a casa perchè "cazo me ciàva, da qualche banda a casa g'ho i crèchers". L'òm-zavàtta dà el meglio di sè a sò casa la sera e nei uichènd. Abigliamento casalingo invernale del'òm-zavàtta: tuta da ginastica de lana grossa, pàil, calzetòni grossi da spedizione alpina, zavatta. Abigliamento estivo del'òm-zavàtta: braghète corte o mudanda bianca (o una o l'altra), maièta senza màneghe, calzèti corti bianchi, zavatta. L'òm-zavàtta no 'l disdegna el sport: el lo varda en tele. Al massimo dela so esuberanza el pòl dedicarse a l'unico sport a lui congeniale: el salto col telecomando da en canale a l'altro. O 'l solevamento dela caraffa del vin. O la fugace gratàda a l’apparato genitoriale. L'òm-zavàtta l'è sempre stràc, o se te ghe domandi de far qualcoss el te risponde "si... arivo... varda... dame zinque minuti... che lèvo… dal sofà... e pò arivo……"
 
Naturalmente dete ste ultime parole famose, el s'endormenza sul divano con en fìl de bava che ghe còla dala bòca. L'òm-zavàtta dopo na ronfata de tre ore el pòl anca risponderte: "hat zà fàt? cazo!! te podèvi ànca ciamàrme che te dèvo na màn!!..." A sto punto bisògn eser vèri amìzi per tratenèrse dal dàrghe do colpi de motosega tra le rècie. L'òm-zavàtta no 'l g'ha mai vòia de far en cazzo: se la sposa ghe domanda: "nente a fàr do passi per vedrìne en zità?" a seconda dele stagiòn el tira fòra quatro risposte standard.
 
Autunno: gh'è massa vent e no g'ho la siàrpa.
 
Inverno: fà màsa frèd e no g'ho i ciòdadi.
 
Primavera: Poderìa vegnir da piòver e no g'ho l'ombrèla.
 
Estate: fà massa càlt e pò sudo e pò spùzzo e pò no g'ho vòia de fàrme la dòcia che avèn finì el siàmpo che me resta i cavèi rebùffi, che figura ghe fago al laòro? che te sài che quei bastardi i me tòl per giro e dopo bègo con tuti e torno a casa nervòs e m'encàzo con ti e l'è per quèl che no fèn pu l'amor!
 
A questo punto la sposa deve volèrghe en gran bèn per tratenèrse dal darghe do colpi de uaan-chii-dooo tra nàs e boca. Unica soluzione, anca en questo caso, la dòna per scampàr dal trantran casalingo, la se dedica al sport: coi cazzadòri dela puntata precedente.